Zbardhen detajet, burrë e grua po flinin në dyqan kur shpërtheu eksplozivi

09:24 | 23 Nëntor 2017
Arbresh.info

Janë zbardhur detaje të reja në lidhje me ngjarjen e ndodhur në orët e para të ditës së sotme në Krujë.

Policia bën me dije se dy pronarët, burrë e grua i kanë shpëtuar mrekullisht shpërthimit me tritol, që u bë në dyqanin e tyre, në fshatin Zezë të Krujës.

Fatmirësisht ata nuk kanë pësuar dëmtime, pasi lënda plasëse ishte vendosur në pjesën e jashtme të dyqanit.

Sipas bluve të Krujës, autorët dyshohet se kanë pasur dijeni për praninë e çiftit Meta në dyqan.

Gëzim Meta dhe bashkëshortja e tij janë shoqëruar për në komisariat, ku kanë dhënë dëshmitë e tyre.

Ata mësohet të jenë shprehur se nuk kanë parë asnjë person pasi ndodhi shpërthimi.

Çifti cilësohet nga banorët e fshatit si familje të rregull dhe pa probleme.

Prej kohës ata kishin vendosur të flinin në dyqan, për arsye se dy vite më parë i kanë vendosur tritol, po në të njëjtin vend. /albeu.com

Shpërndaje në rrjete sociale

Lajmet më të lexuara

Të ngjashme

Foto lajm